للجادين فقط



ياجماعة بعد انتشار سن العنوسه الملحوظ فى الوطن العربى والعالم

قررنا فى ادارة منتديات سعيد شرباش المساهمة فى وضع حل  للمشكله دى

القسم ده قسم مفتوح لاى واحد او واحده عايز يتجوز يكتب  بياناته كلها

المهم يكون فيه جديه وامانه فى البيانات لان ياجماعة الموضوع مش هزار


وممكن اللى يلاقى شروط فى التانى مناسبه يبعتله رساله على الخاص فى المنتدى

ودى سهله  اضغط كلمة رسايل فوق واختار كلمة موضوع جديد واكتب اسم العضوا اللى هتبعتلوا

واكتب عنوان للموضوع ثم  وفى المربع الكبير اكتب اللى الموضوع


وبالتوفيق للجميع

بارك الله فيك اخى الفاضل


موضوع رائع جدا


فعلا دى خدمة ممتازه لشباب كتير


للتسيهيل على الشباب فى الزواج

طبعا كل واحد بيدور على ما ينقصه ههههههههههههههههههههههههههه موضوع كبير ياصغير

ماشى ياحاج صبحى ماانت بقى معاك 2 عيل عاوز ايه تانى

فكره حلوه قوي دورلي بقا علي عريس


اسمى ندا وطبعا ده اسم مستعار فى المنتدى


25 سنه معهد حاسب الى


متدينه وطيبه جدا عاوزه انسان يكون مناسب


وشارينى و يحترم افكارى ويكون متدين

خلاص ياعم شريف العروسه افهم بقى


بجد الموضوع ده يخص بيوت كتير اوى اوى حاسين بالمشكله دى



ودى نافذه جاده للمساهمة فى حل الازمة دى


بالتوفيق للجميع

واللهى فكرة حلوة اوى


وممكن نتعرف على بعض من موضوعك يا مشاكس


ربنا يجازيك خير


ويا بخت من وقف راسين فى الحلال

اة ممكن

فكرة حلوة

ونخلى اسمة

( ركن الخاطبة)

فكرة حلوة بس نجاحها مش مضمون مئة بالمئة

ليه يا سما مش مضمونه


بالعكس دى فكرة حلوة جداااااااااا


للتعارف وكلنا هنا اصدقاء وبنتعرف على بعض


عن طريق مواضيعنا وردودنا


يعنى فكرة اننا ممكن نتفاهم سوا موجودة



بمعنى انى ممكن اعجب بانسان عن طريق كتاباته


او طريقة ردة اكيد هتعرف عليه ولو بنسبه بسيطة


وممكن من خلال الكلام على الخاص من خلال المنتدى



ربنا يجمع بينهم فى الخير


وبعدين فيه دول نسبة العنوسه فيها عاليه جدااااااا


وممكن جدا من خلال موضوع زى موضوعنا دة


نحل مشاكل كتير من النوع دة


لان المنتدى بيدخله اعضاء وزوار من جميع الدول


وربنا يوفقنا جميعا

دخلنا في الجد والجد الله الله عليه .. و صاحب النوايا الصادقة رب يحميه

فكرة طيبة تشهر المنتدى وتزيد تحليه .. والسباق لهذه البصمة الراقية الله يجازيه

واللهى ياجماعة الفكرة كنت معترض عليها


لكن وافقت لانها فكرة سامية وجميله


لكن اهم شئ فيها الجديه والصراحة


لان فكرة تاخر الزواج فى الوطن العربى مشهورة جدا


عموما حظ موفق للجميع بالسعاده الابديه

شكرا ليك يا مشاكس


واللهى الموضوع دة جميل ومفيد


وكلامك مظبوط يارااااااااااا


احنا ممكن نتعرف على بعض من خلال المنتدى


ولو كلا الطرفين معجبين بأفكار بعض


ممكن من خلال الكلام على الخاص


يتقربوا من بعض ويمكن يكون فيه خير


ان شاء الله

وياريت من غير خجل ولا كسوف


كل رجل او بنت يكتب بياناته


وكل شىء فى الاخر نصيب


وانا هكتب بياناتى يمكن يكون ليا نصيب


من المنتدى اتعرف على شريك حياتى


انا اسمى ريتاج


عمرى 25 سنه


اعمل محاسبه فى احدى الشركات بالاسكندريه


الحمد لله محبوبه جدااااااااا من صديقاتى واصدقائى فى العمل


لما اتسم به من روح الدعابه والمرح بين الاصدقاء


سبق لى الخطبه من احدى اصدقائى فى العمل


ولكن لم يتم الزواج بسبب ظروف عائليه خاصة

بصراحة موضوع جميل جداااااااااا جدااااااااااااااا


وانا معجبه بفكرة الزواج الحديثه دى


لان انا مش بحب زواج الصالونات


بحس ان البنت والرجل شبه السلعه


كل واحد فيهم جاى عشان يشوف البضاعة


هتعجبه ولا لأ وانا ضد انى اكون سلعة


معروضة واللى اعجبه يشترى


انا مبدأ الزواج عندى مبنى على الحب والتفاهم


بين الطرفين لان دة مبدأ هيخلينى اعيش سعيدة


فى حياتى بعد كدة لانى متفاهمه مع شريك حياتى


وانا مش هنزل بياناتى دلوقتى لانى لسه بدرس


ومش عاوزة فكرة الزواج تسيطر عليا من دلوقتى


وتشغلنى عن دراستى


ربنا يوفكم جميعا ان شاء الله

شكرا يا مشاكس على موضوعك


الجميل

مشكور يا مشاكس


موضوع غايه فى الروعه


وربنا يجعل الخير للجميع


فى منتدى البرنس سعيد


انا اسمى ريماس


ودى اسم مستعار خاص بالمنتدى


سنى 26 سنه


سبق لى الزواج مرة ولكن لم يدوم زواجى كثيرااا



وليس لدى اولاد


وكل شىء بأيد ربنا سبحانه وتعالى


انا حاصله على دبلوم تجارة


وعملت فى احدى الشركات بالاسكندريه


ولكنى الان تركت العمل


الحمد لله مقبوله الوجه


خجوله جدااااااااااااا


متدينه


ولا اريد غير زوج يتصف


بالوفاء والاخلاص


ومتدين يتقى الله فى بيته


وفى زوجته


والله الموفق

شكراااااااااا ليك برنس سعيد


على قبولك اقامة هذا القسم


فى منتداك


وربنا يوفق الجميع عامة


والجادين خاصة

تنبيه هاااااااااااااام




اولا:


نتمنى للجميع التوفيق ان شاء الله


ثانيا:


ياريت يا جماعة


اى عضو ينزل اى بيانات


تكون صحيحه وغير مزيفه


موضوعنا زى ما قال العضو المشاكس


موضع جاد جدااااااا


او موضوع للجادين فعلالالالالالا


يعنى معلوماتنا وبياناتنا لازم تكون سليمه


لتفادى عدم وقوع اى مشاكل


ثالثا:

احب انوه عن شىء


بما انى مسؤله عن المنتدى وعن ردود الاعضاء


من قبل الادارة


سوف يتم*****


خذف اى تعليق او رد من قبل اى عضو او عضوة


سوف يسىء الى اى فرد من اعضاء المنتدى الكرام


فبرجاء التعرف على بعضنا البعض بكامل الاحترام


دون الاستهزاء بأى عضو او عضوة


وشكرا لكم جميعا


مع تمنياتى القلبيه لكم جميعا بالتوفيق


وبالحياه السعيدة دائما بأذن الله تعالى


اختكم يارااااااااااااا

تسلم ايديك يا مشاكس



موضوع غايه فى الروعه بجد

شكرا ليك استاذ سعيد على


القسم الجميل الرائع


وجزاك الله عنه الف خير


ومشكورة يارااااااااا


لمتابعتك الموضوع وحرصك على


ظهوره فى احسن الصور


خالص شكرى وتقديرى لكل القائمين على المنتدى


الرائع وربنا يوفق الجميع ان شاء الله

انا بياناتى كالتالى


اسمى نيرمين


السن 27 سنه


اقيم فى القاهرة


حاصله على بكالريوس تربيه واعمل مدرسة لغه عربيه


متدينه جدااااااااااا


والحمد لله ميسورة الحال


اريد زوج متدين وعلى خلق


يرعى الله فى بيته وزوجته واولاده


واهم شىء ان يكون على خلق


كما قال رسولنا الكريم


صلى الله عليه وسلم


((إذا أتاكم من ترضون دينه وخلقه فزوجوه))


والله الموفق بأذن الله

مشكور يا مشاكس على موضوعك الرائع


وفعلا دى مشكله كبيرة فى معظم دول العالم


خصوصا الوطن العربى المتمسك بالعادات والتقاليد


الاسلاميه الخاصه بنا

شكرا استاذ سعيد على وجود هذا القسم الهام فى منتداك الرائع


وشكرا ليكى يارااااااااااا على متابعتك الموضوع


وحرصك على الاحترام المتبادل بين الاعضاء


وشكر خاص لكل القائمين على هذا المنتدى الجميل


وتمنباتى القلبيه لهم بدوام التقدم والرقى والاذدهار

اسمحولى اقدم بياناتى


اسمى عصام الشريف


اسمى الحقيقى مش مستعار


سنى 31 سنه


اعمل مهندس استشارى فى احدى شركات السعوديه


ميسور الحال


لم يسبق لى الزواج ولكن سبق لى الخطوبه


ولكن لم يوفقنى الله لانى احب ان تختارنى


شريكة حياتى لشخصى وليس لمالى


اتمنى فتاه متدينه جميله الجمال الطبيعى يعنى مقبولة الوجه


ذات اخلاق عاليه توافق على العيش معى فى السعوديه


وان تكون طيبه وتقدس الحياه الزوجيه


وتريد ان تعيش معى لشخصى وليس لاى شىء اخر



انا جاد جدااااااااااااا فى كلامى وواضح جداااااااا


وان كان فيه نصيب يمكن يوفقنى الله بالعثور على شريكة حياتى



من خلال هذا الصرح الراقى


شكرا لكم جميعا

العضوة المحترمه ( عيون المها)


انا بياناتى كاتبها بكل صدق


لو مفيش عندك اى مانع


ممكن نتكلم على الخاص


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اهلا عصام


انا طبعا يشرفنى معرفتك


ان شاء الله


وسورى انى اتأخرت فى الرد كنت مشغوله شويه

لا انكر اعجابى بالفكرة لكن غير مؤمن بنجاحها

ومع ذلك ساشترك معكم فى الموضوع وربنا يسترها

بياناتى فى سطور

كريم سعد عبد المجيد



حاصل على بكالوريوس



موظف تبع البنك العقارى



شاعر باذاعة وتليفزيون القنال



محافظة الاسماعيلية



مصر

مواصفاتى

احمل معانى الرجولة والشباب

رياضى هاوى وأجرى من البصرة لبغداد

لونى مصرى أصيل الاجداد

والدى سعد اختارنى كريم فاصاب

عيونى عسلية وسحرها جذاب

قامتى وسط ووالدى ناطحة سحاب

مسلم متدين لله الحمد رب السموات

اعشق الشعر والادب واقدر الاحباب

العب الشطرنج والتنس مع الاصحاب

ربى لا تؤاخذنى بذنبى ان كنت شاعرا كذاب

او وصفت نفسى بشىء ليس بى او كان سراب



اشتاق لنهر عشق اسبح فيه بلا انتهاء

اشتاق لعيون حبيبة ارى فيها سحر النساء

ادعوك ربى فهبنى ومن لى سواك يجيب الدعاء

اين انتى حبيبتى

الله عليك ياشاعر المنتدى على كلماتك الجميله


ايه الجمال والبلاغة دى عموما المواصفات دى رائعة وتخلى الكتير من البنات تتمناها


وكمان موهبة الشعر دى كفايه اوى اوى لاى بنت هى هتنهب


تحياتى ليك استاذ كريم

سعيد شرباش كتب:

الله عليك ياشاعر المنتدى على كلماتك الجميله


ايه الجمال والبلاغة دى عموما المواصفات دى رائعة وتخلى الكتير من البنات تتمناها


وكمان موهبة الشعر دى كفايه اوى اوى لاى بنت هى هتنهب


تحياتى ليك استاذ كريم

منتدى سعيد شرباش

فى منتدى شرباش رفاق يبدعون

كتبوا حكايات هزت قلوب وعيون

بنات وشباب عشقوا المكان بجنون

شافوا سعيد طيب وقلبه حنون

ومنتداه بالحب نجمة فى وسط الكون

فى كل صفحة وردة ولون جنب لون

وفى كل سطر فكرة فيها الكلام موزون

وفى كل قسم بسمة تعزف غنوة والحان

وكل مشاركة فيها لوحة لفنان

مبروك عليك يا برنس منتداك يا جنتلمان

ذوق وشياكة والحب فيه عنوان

اسمك وسيرتك تسبح فى كل مكان

والكل قال منتدى شرباش ولا فى الاحلام



الاخ الكريم الاستاذ / سعيد

اعجبنى ردك واطراءك

فاردت الرد ببعض ابياتى الشعرية ولا اراها توفيك حقك

تقبل مرورى وفيض احساسى باشعارى

دام الود بيننا

دام الود بيننا بكل حب وخير اخى الحبيب


ودام لنا كلماتكم التى تفوح بعبير الازهار فى كل ارجاء المنتدى



كل الحب والتقدير على ردكم الساحر والجميل


تقبل تحياتى بكل خير