قبل لا تبدين غسلي بشرتك بصابون مناسب ولا تحطين على بشرتك أي شي

اولا :
اعملي سنفره خفيفه لبشرتك واقصد فيها بدون فرك قوي((مثل سنفرة المشمش)

ثانيا:
تنظيف البشرة بالملك (الحليب المنظف) لمدة 3- 5 دقايق((مثل نيفيا))
الطريقه: حطي الملك على بشرتك وخليه ثواني بعدين خذي القطن الخاص بالبشره وامسحي فيه الملك مع ضغط خفيف بس مو تضغطين حيل واذا راح الملك حطي طبقه ثانيه ومسحي بعد وكرري العمليه لحد ماتحسين ان بشرتك صارت نظيفه واذا ما تعرفين سويها لمده 3-5 دقايق
وبعدين شليه بغسل وجهك بالماء الفاتر وشوييييية صابون


ثالثا:
استخدمي البخار للبشره لمدة تستطيعين ان تتحملينها يعني مو تختنقين على بالج ان الفايده اكثر واحسن لا خليه لمده تتحملينها ولا تقربين وجهك على جهاز البخار بشكل قرييييب حيل على بالك انك شاطره لا ياقلبي خلي البخار يلامس وجهك وبشرتك عن بعد واذا كنتي ماتملكين جهاز بخار استخدمي ماء حار عادي واستفيدي من بخاره او حتى بمغسلة الحمام افتحي الماي الحار واستفيدي من بخاره





رابعا

استخدمي كريم تقشير لمدة 3-5 دقايق ويفضل ان يكون من ماركه طبيه وغير معطر او اذا ماكان عندك استخدمي عيش مطحون او دقيق النخي او حتى دقيق عادي او شوفان .((كريم بيزالين طبيعي وروووعة للبشرة))

خامس شي :

استخدمي خلطة تفيد بشرتك او أي خلطه حلوه ومفيده وترطب استخدمتيها وناسبتك بس ها بدون ليمون لان البشرة بتكون مساماتها مفتوحه وتكون ناعمه وخفيفه بعد التنظيف اللي سويناه
وبعد ماتحطين الخلطه على بشرتك استخدمي جهاز البخار واذا ما تبين مو مهم بس خلي الخلطه فتره .

سادسا:
اغسلي بشرتك بماي فاتر وجيبي اللزقات اللي تشيل الزيوان ( النقط السودة ) وفي منها للانف وللحنك وللجبهه استخدميها .


سابعا:

استخدمي ماسك على بشرتك واذا ماعندك ماسك احسن استخدمي شي طبيعي مثل بياض البيض مع نشا او أي شي قابض للبشره والمنتدى مليان ماسكات بس ها مو خلطه ماسك يعني تحسينه يشد البشره وبعدين شيليه بماي فاتر وحطي ماي ورد وكريم مرطب


وعليكم بألف عافيه تنظيف بشرتكم واذا استمريتي كل أسبوع راح تنعمين ببشره خياليه ونظيفة واذا حسيتي ان بشرتك يبيلها تنظيف اكثر او اذا كنتي تستخدمين المكياج وااايد استخدميها مرتين بالاسبوع


وهذي الطريقه هي الطريقه الصحيحه والكامله لتنظيف البشره واستخدميها اسبوعياً وهالطريقه تستخدمها الصاونات الكبيره وحتى العيادات واخصائيين البشره .......

تسلمى سما على


معلوماتك الجميله

يا وردة المنتدى

تسلمى ياسما شكرا ليكى ياقمر المنتدى