السلام عليكم ورحمه الله وبركاته
أخواتى العزيزات أنا جيت لكم اليوم بموضوع مهم فى كل بيت وكل أسرة بتعانى
من مشاكل الحموات أكيد إسم الموضوع يخض بس هى دى الحقيقه اللى بتعانى
منها كل أخت متزوجه وعايشه مع حماتها فى نفس البيت هنعمل ايه إذا كنا
عاوزين نعيش فى سعاده مع أزواجنا وهى مش سيبانا فى حالنا دايما عاوزة نكد وزعل متفهميش ليه بتفرح لما تلاقيكى بتعيطى
و زعلانه طيب ليه هى ترضى لبنتها كده واه لو قصرتى بس مرة ولاجوزك نسى
موقف تقول دى مراته هى اللى موuعياه ولو عمل لها حاجه حلوة تقول هو مجبر
يعملى كده مش أنا اللى ربيت و.................... طيب يابنات والعمل هنفضل
كده نفسنا نعيش فى إستقرار بقى مع أزواجنا وأولادنا والراجل طبعا اللى هو
الزوج بيزعل لانه مبيحبش النكد ومش عارف يوفق بين مين ويزعل مين والحماه
سايقه فيها ولا هاممها إبنها والزوجه ياعينى بتحب زوجها ومش عاوزاه يزعل بس كرامتها
وبتكون مخنوقه من التصرفات اللى تضايق طيب قولولى الواحده تعمل ايه ؟
تعالو نفضفض مع بعض ونستفيد من بعض ونحاول نغير نفسنا وننوى نيه خير لوجه
الله إننا نسعد نفسنا وننسى اللى يزعلنا ونبدأ نحسس أزواجنا إننا بنحبهم وعاوزين منهم بس يقدرو اننا بنستحملها علشان خاطره تيجو نجرب يلا بينا واللى تدخل تدعى ربنا يهدى سرنا جميعا ويهدى لنا أزواجنا ويبعد عننا حمواتنا مستنيه ردودكم يا اعضاء المنتدى الكرام ودعواتكم