مرحبا بك يا زائر نحن سعيدون جدا بتشريفك منتدانااملين الا تتردد فى انضمامك الينا ودعوة اصدقائك للتسجيل والمشاركه معناواهلا بك بيننا فى صرحنا المتواضع

ازيكم يا قمرات يا منورين
بصوا بقى
انا جاية النهاردة اقولكم على طريقتى للمحشى
الى الكل بيحلف بيها
والله بدون مبالغة
الطعم والريحة
وااااااااااااااااااااو
بس اعذرونى الصور مش حلوة لانها متاخدة من موبايل
حاقول المقادير وبعدين الطريقة
المقادير
كوسة
فلفل
طماطم
زى ما واضح من الصور متنظفين
وشايلين القلب بس مش حنرميه حنشيلوه
على جنب
رز متنقى ومغسول
طماطم
بصل
خضرة محشى كتير
الكل متقطع رفيع جدا
معلقة كبيرة توابل المحشى من عند العطار
او علبة خلطة المحشى من ماى واى او فايف منتس
2كوب عصير طماطم
فصين توم مفرومين ناعم

الطريقة
اول حاجة حنسوى الارز نصف سوى
حنسخن معلقتين سمن فلاحى
بتدى طعم وريحة حلوة قوى
ونحط نصف كمية البصل والطماطم والخضرة ونقلب لحد ما يدبلوا وبعدين نحط كوباية صلصة
الطماطم وننزل بالارز ونسيبه يتشرب ويستوى نصف سوى

بعد ما استوى كده نحط باقى البصل والطماطم والخضرة ونقلب ونحط الملح وخلطة المحشى
بتاعت العطار او فايف منتس أو ماى واى وفصين توم مفرمين نى
ونبتدى بقى نحشى
وبعد ما نخلص الكمية كلها نحط فى قعر صينية كل اللب
اللى طلع من الكوسة والطماطم والفلفل وكمان عروق الخضرة
ونرص بقى الكوسة والطماطم والفلفل
ونصب باقى الصلصة
اللى هيا قولنا كوباية لتسوية الارز
واتبقت كوباية نصبها فى الصينية

ونغطيها بفويل وندخلها الفرن
بعد ربع ساعة نشيل الفويل
ونسيب بقى المحشى يستوى الخضار يعنى يستوى والارز يكمل سواء
(الطريقة دى بتخلى الارز يبقى نفس سوى الخضار يعنى ما فيش حاجة حتعجن منك
غير ان كمان حطينا خضرة طازجة مع الارز غير الى سويناه بيها علشان
يدى طعم حلو )
تمام لحد كده
بعد ما يستوى حنشيل المحشى على جنب وناخد كل اللى فى قعر الصينية ده ونضربه فى الخلاط
وبعدين نصفيه ونسخنه على النار
يا أما نصبه فوق المحشة او نعمله فرشة تحت المحشى او يتقدم جنب المحشى
متتخيلوش الصوص ده بيبقى غنى ولذيذ أد إيه
لانه عبارة عن خضار ومتشرب كمان من المحشى والتوابل بتاعته
وقوامه تخين مش سايل
قدمى بقى المحشى ودوقى احلى محشى واليوم ده اعملى حسابك
تزودى حبة علشان الجيران حيخبطوا عليكى ويقولولك ايه الريحة الحلوة دى
صدقينى بجد وجربوا وردوا عليا