مرحبا بك يا زائر نحن سعيدون جدا بتشريفك منتدانااملين الا تتردد فى انضمامك الينا ودعوة اصدقائك للتسجيل والمشاركه معناواهلا بك بيننا فى صرحنا المتواضع

عملت صينية كوسا باللحمة المفورمة روعة وكانت طعمها حلو اوي قلت اجيب لكم الطريقة وبالصور كمان

المقادير :

نص كيلو كوسا مقطعة شرايح وسط مش تخينة ومش رقيقة

بصلة كبيرة مفرومة

نص كيلو لحمة مفرومة

4 ملاعق كبيرة صلصة ممكن تسبكي انتي الطماطم براحتك بس انا بازهق

ملح وفلفل وبهارات لحمة وورق لاورا واي بهار بتحبيه ممكن تضيفية انتي ومزاجك

الطريقة :

اول حاجة هتجيبي الصينية وتحطي فيها شوية زيت صغيرة خالص وبعدين البصلة المفرومة وبعدين تقلبي لغاية ماتدبل وتحطي عليها اللحمة المفرومة وتقلبي وتحطي بهاراتك كلها ماعدا الملح

بعد كدة هتضيفي الصلصة بتاعتك علي اللحمة ومعاها شوية ماية او شوربة لحمة لو موجود ودة شكلها

وتسيبها تتسبك مع بعضها

وبعدين هاتي الكوسا وحطيها معاهم

وحطي الملح وغطيها وتابعي مقدار الصلصة لو نشفت زودي شوربة او ماية مش
مشكلة الاتنين واحد بس تكون دافية وقلبي لغاية ماالصلصة تنشف شوية

ودخليها الفرن بقي ع الشواية من فوق لغاية مايتحمر الوش بتعاها ودة شكلها

ودة بقي طبق مني لاول واحدة عسل هترد وتقييم

يارب تعجبكم جربوها طعمها روعة وممكن تاكليها بالرز او عيش الاتنين تحفة

مع السلامة