دة الباشا لما طلع من الفريزر نص كبلو مفروم جملي


اول حاجة جبت معلقتين برغل وغسلتهم كويس اوى طبعا البرغل بيتغسل بطريقة معينة علشان يبقي نضيف
شوفو المية نضيفة ازاى وهنقعة في مية ساعة واصفية
ودة البرغل


بعد كدة هاخد جزء من اللحمة على البرغل بعد ما اصفية مع بصلة مبشورة ومتصفية ولازم متصفية علشان متفكش
وملح وفلفل وعملت طبق الكفتة دة




ودة بعد ما استوى




اما تانى طبق بحبة جدا الخرشوف باللحمة المفرومة
جبت الخرشوف ونضفنة واخدت جزء من اللحمة وعملتها عصاج وحطيت علية معلقتين بسلة وطمطماية صغيرة وتوابل العصاج الخطيرة وحشيت الخرشوف وحطيت في الصينية معلقة صلصة في نص كباية مية
وغطيت وش الخرشوف بالموتزريلا الجميلة
ودة شكلة قبل السوا




ودة بعد السوا ممممممممممممممم





وعملت معاهم مسقعة والله حطيت برضة علي وشها شوية عصاج مفلتتش برضة ههههههه



ودة طبقي اول يوم
اتفضلوا معايا




بعد ما خلصت دة كلو اتبقي طبق العصاج دة ودة شلتة لتانى يوم اعمل بية حاجة تانى بحبها جدا والفاضل اهو




فعملت اية بقي
؟؟؟؟؟؟
عملت كنيلونى ازاى

جبت نص دقيق وكوبايتين لبن ونص ك مية و2 بيضة وضربتهم في الخلاط وعملت كريب الكنيلونى دا



وحشيت بالعصاج كدا شايفين وانا بحشية كتير ازاى وكمان الكريب طرى وبيلمع ازاى




وكدة قبل السوا




ودة طبقي تانى يوم اتفضلو انا قدمتة مع الهوت صوص والزبادى اساسي





ودى صورة جماعية لاصناف اتعملت كلها بنص كيلو لحمة




وبالهنا والشفا ان شاء الله