مرحبا بك يا زائر نحن سعيدون جدا بتشريفك منتدانااملين الا تتردد فى انضمامك الينا ودعوة اصدقائك للتسجيل والمشاركه معناواهلا بك بيننا فى صرحنا المتواضع

وقال جاية كمان تقولي
عيد ميلادي الليلادي
عايزاك بقي تعملي
إحتفال مش عادي
نارٍٍٍٍٍٍٍِِِك حرقت ضلي
وشفت معاكي ذلي
تعبتيني في حياتي
وعايزاني ابقي راضي

*******
قبلك انا كنت وردة
نادية ومفتحة
عبيرها ساكن فيها
صبحين وراهم ضحي
معاكي الوردة دبلت
والناس منها قرفت
معادشي يليق عليا
غير جثة في مشرحة

******
من أول يوم عرفتك
ودعت حريتي
ضيعتي كل طموحي
ووقفتي في سكتي
وخلفة وراها خلفة
وفي كل شهر سلفة
ولولا إيماني بربي
لكنت ضحيت بدنيتي

******
عارفة إنتي تستاهلي ايه النهاردة ؟!
جوز أساور حديد من بتوع الشرطة
يتحطوا فإديكي ودول اللي يليقوا بجد عليكي
بعد معيشتيني العمر في ورطة
سودتي لون الدنيا قدامي
كرهتيني في الدنيا وقتلتي أحلامي
الناس بتغلط وتدفع التمن مرة
وأنا كل يوم بدفع التمن ميت مرة

******
أسوأ يوم في الدنيا تاريخ ميلادك إنتي
ياريت يشطبوه من عمر الزمان
انا والدنيا اتبلينا بيكي وفين ما كنتي
زي سحابة متحملة بغبار بركان
لما بيدوا مثل للسؤ إنتي اللي بيفتكروكي
ويقولوا زي المتعوسة مراة فلان
وفاقد الشئ لا يعطيه وحياة أبوكي
وإزاي إنسانة تعيسة تقدر تسعد إنسان

******
إياكي بقي تقوليها تاني
السنة الجاية زي النهارده
لحسن أعيدلك القول من تاني
ومتطمعيش حتي في وردة
الوردة دي شايلة نسيم فواح
متحسهوش إنتي ياباردة