طريقه عمل كريب بالشيكولااااااااته


المقادير:

كوب ونصف لبن
3 أكواب دقيق
5 بيضات
1/2 ملعقة صغيرة فانيليا
1/2 فنجان زيت ذرة
1/2 فنجان سكر بودرة

مقادير الحشو:كوب شيكولاتة سايحة
موز مقطع قطعاً صغيرة ومرشوش عليه عصير ليمون
شرائح فراولة
مربى تين

الطريقة:
1- اضربي اللبن مع الدقيق بالمضرب، وضيفي إليهم البيض والفانيليا، وقلبيهم مع بعض كويس لغاية ما تلاقي العجينة بقت متجانسة.

2- هاتي طاسة تيفال، وحطي فيها نقطة زيت، وحطيها على النار، وهاتي مغرفة صغيرة، وحطي عليها شوية من العجينة، وحطيها في الطاسة، وبعد خمس دقائق اقلبيها على الوش التاني علشان العجينة تستوي، استمري على الحال ده لغاية ما كل العجينة اللي عندك تخلص.

3- احشي كل واحدة من الكريب بالشيكولاتة وقطع الموز والمربى وشرائح الفراولة، ولفيه على شكل رول ورشي عليها السكر البودرة وصوص الشيكولاته


يلااااا كلو يجربها ويقولى ايه رايه فيهاااا وبالهنا والشفا

ميرسى لكى ياقمر

موضوع جميل شكرا لزوئك

العفو ياحبى
بس انا عاوزاكى تجربيها
هههههههه خايفه اجربها
فحد يجرب ويقولى

تسلمى ياقمر على مرورك

هنجرب ياجميل ونشوف مشكورة حبيبتى

مشكووره حبيبتى للطرح

على العموم الطريقة تحت التجربة

ننتظر جديدك

تحياتى العطرة

قلت اجرب عادى بس اتحرقت هههههه تشكر يابنوته

هههههههه

اتحرقت مره واحده

يالهووى مهما الرجاله كده مبيعملوش حاجه وتكمل اقصد يعنى انكو بتعملو كل حاجه كامله وجمله وزى الفل


منورين والله كلكو