ماذا تفعل الزوجة فى زوج كل هوايته حرق دمها واظهار كل عيوبها وانه لا يرى

شىء ايجابى فيها خالص وما فيها غير سلبيات وفى الاخر هتطلع هى الغلطانة


تفتكروا تعمل ايه المسكينه دى؟؟؟؟

انا هقول لكم تعمل ايه:

اولا** لازم تعرف ان الصبر مفتاح الفرج وتحط ناعسة زوجة ايوب قدوة لها

لان القصة دى هتعلمك الصبر اوى على البلاء وطبعا مفيش اكتر من دى بلاء

ثانيا** لازم تعرف ان الجنة مش ببلاش وان احسن ما يدخلنا الجنة هى طاعة الزوج

وبعدين لازم تشوفى اد ايه الجهاد فيه مشقة وتضحية وانكار للذات عشان ميبقاش

موت وخراب ديار وانعدام اجر كمان على الاقل ناخد ثواب ربنا

ثالثا** لازم تتعامل مع الزوج على انه طفل ولازم تصبر عليه زى مبنصبر

على البيبى الجاهل البرىء اللى مبيعرفش عواقب تصرفاته ولا بيقدر عواقبها

يعنى لو حطت فى بالها انه ميقصدش يضايقها عشان هو طفل وبيعمل حركات

عيال عشان يفضل هو محور يومها وحياتها هتقدر اكيد تتحمل حرقة الدم بشكل

افضل

رابعا** حطى دايما ريد لاين او خط احمر لحرقة الدم يعنى نتسامح اة ونكبر
------ -------
دماغنا ماشى لكن فى حاجات ممكن منتهاونش فيها زى مثلا لو جاب سيرة اهلك

لازم يعرف ان دى من الاماكن المحرمة اللى لو اتجاوزها ( مش عارفة هنعمل ايه

بس كل واحدة طبعا على حسب اسلوبها)

خامسا** ان الزوجة تحاول تاخد الامور ببساطة وروح مرحة وتحاول تقلب

النكد لحاجة مسلية ومفرحة يعنى تعمل نفسها مش فاهمة من الاخر انه بيضايقها

وتقلب الموضوع ضحك وتنكيت وبكدة هتكون فوتت عليه فرصة انه يقلب

اليوم والبيت نكد

سادسا** دى اهم حاجة مننساش الدعاء ليهم بالهداية عشان ربنا يبقى

معانا ومننساش دعاء جميل اوى

(ربنا هب لنا من ازواحنا وذرياتنا قرة اعين واجعلنا للمتقين اماما)


وصدقينى لو استمرتى كدة مدة ان شاء الله مش طويلة الزوج

دة اما هيمل من النكد ويعرف انه مفيش فايدة من عاميلة

او ضغطة هيعلى ويبقى دايما تعبان ومش قادر يتكلم من الصداع

وفى الحالتين انتى الكسبانه

ودامت سعادتكم

ملحوظة مهمة( بعد الشر عنهم )

اكيد انا معاكي لازم الست هي اللي تصبر وده مش لانها ضعيفة او مكسورة الجناح ابدا ده عشان انو الست هي العقلة الكاملة

شكرا ليكى

سعدنى رايك جدا

انا بقى اختلف معاكى الزواج دا متعه والمتعه الأكبر فى حنية الزوج

كلام جميل ومهم وربنا يصبرنا

فوائد الزوجه النكديه
فوائد الزوجة النكدية ---
* للزوجة النكدية فوائد كثيرة من أهمها: + تجعل لسان الزوج رطباً بذكر الله فطول اليوم قاعد يدعى «حسبى الله ونعم الوكيل»! + تساعد الزوج على غض البصر لأنه سوف يكره صنف الحريم! + تساعد الزوج على صلة الرحم لأنه على طول هربان عند أمه! + وأخيراً تجعل من زوجها رجلاً عظيماً فبسبب قرفه وزهقه منها سوف يقضى وقتاً أطول فى العمل مما يجعله إنساناً ناجحاً فى عمله ويحقق المثل القائل: «وراء كل رجل عظيم امرأة»

يا جرحنى بلقمة ناشفة و العيش عندك طرى ..

تقلان عليا ليه ارحمنى يا مفترى

طلعت فوق السطوح هز الهوا كمى ..

كل العيال اتجوزوا وانا لسة جمب امى

لا يا شقية مش ينفع الكلام دة دلوقتى

مطمعهومش فينا اثبتى على قوانين

الحزب

ههههههههههه واحده انشقت عنكو اهو ياستات

الراجل راجع من شغله نفسه فى ريحه حلوه بصو المراءه لو عاوزه تخلى جوزها يحبها على طول فى ايديها لكن ده طبع النكد وبس وهاتتتتتتتتتتتتتتتتتتتتتتتتتتت

مش عارف مفيش واحده تقول الصراحه ليه