اشعار مصرية جديدة


يا جارحنى بلقمة ناشفة و العيش عندك طرى
تقلان عليا ليه ارحمنى يا مفترى



طلعت فوق السطوح هز الهوا كمى
كل العيال اتجوزوا و انا لسة جنب أمي



يا حبشتكة يا حبشتكة
القلب من الحب اشتكى
يوم دمع وحزن ويوم فرح و هشتكة


حبيبى يا ناس حلقلى و سايق ف التنفيض
قولوله يرحم قلبى و ميعملش فيها عبيط


كان بينا شوق و محبة راحت بلوية بوزك
الله يحرق المحبة و يحرق اللى يعوزك


اللى يشوفك يفتكرك فارس ف ساحته
ميعرفش انك حتى الشراب شاحته


يا روش و آخر روشنة .. يا طبيعى من غير تنشنة
عيش عالناس كلها و متعشّ عليا انا


يا ملقّح جوا ف قلبى وانا
قلبى مش متين
من حبك جالى سكر ادينى انسولين



حبيبى يا مدلع .. حبك عندى مولع
نفسى اخدك و نخلع.... ونسيب الشغل
يولع



حبيبى طالع فيها فاكرنى ح دلعه
ياما نفسى يدينى ظهره وعلى أفاه ح لسعه



قطعني حتة حتة وأرميني لأي قطة
أنا كنت بأحب واحد دلوقتي بأحب ستة



حبيبي قالي بحبك قلتله أتنيل
دا الحب في القلب مش في التليفون يامنيل



الهس بس هس ... هوا لازم يحس
هوا عمال بيتخن أنا عمال أخس



ياللي وريت الفؤاد أيام أليمة
روح أنت والفؤاد عالجزمة القديمة



الحلو حلو ولو
لسه صاحي من النوم
والمعفن معفن ولو غسل
وشوه كل يوم



حبيبي للي بحبه قلتله أتنيل
جربتك في الحب و طلعت أكبر عيل



يادابحني برمشك على سهوه
دوبلي صباعك في القهوة



أجيبلك هدية تاخدها ببساطة
وفي عيد ميلادي تسوق العباطة

هههههههههههه حلوة الحبشتكة دى قووى يا استاذ شريف

تسلم ايدك ؟

حبشتكة كلمة فرعونية قديمة معروفة بمعنى فهرشمة او بمعنى كمشتشى
وانا فى كل الحالات مش فاهم حاجة
هههههههههههههههههههههه
شكرا لمرورك يا امبراطور

ههههههههههههههههههههههههههه


بجد مواضيعك لذيذة جدااااااااا


تحفة تسلملنا يا برنس شريف

وميرسى جدا ليك ولجمال مواضيعك :يبؤش: :يبؤش: :يبؤش:

هههههههههههههههههه

امثلة جميلة تسلم الايادي استاذ شريف :غفقث:

اشكرك يارا و اشكرك سما على مروركم الكريم وكلماتكم الرقيقة
وارجوا ان اكون رسمت ابتسامة بسيطة لكم وان شاء الله بتواصلكم معى الى المزيد

:ثقفعلل: تسلم يابرنس