5فروق بين البطة والوزةد
1- تقدر تحلق شعرك زلبطة لكن ماتقدرش تحلقة زلوزة
2- فية رحالة اسمة ابن بطوطة لكن مافيش رحالة اسمة ابن وزوزة
3- تقدر تبلبط في البحر لكن ماتقدرش تبلوز فية
4- كلنا بنتغطى في الشتاء ببطانية لكن مابنتغطاش بوزانية
5- الوزة كانت زمان بطة لكن الشيطان وزها

مره نكته ماشية بتعيط ليه؟؟ عشان واحد ضحك عليها

غبي دافن نصه في الارض ليه ؟ بيصور فيديوكليب انا عايش ومش عايش

س: ما الفرق بين الكمبيوتر و الاتوبيس و الحفرة ؟ ج:الكمبيوتر .. حاسب آلى والاتوبيس .. حاسب يا اسطى والحفرة .. حاسب لاتقع
مرة واحد طويل جدا شرب لبن مات ليه؟ لان اللبن صلاحيته انتهت قبل ما ينزل بطنه

عايزين ندخل فيل جوة الكباية نعمل ايه؟ نحط ورقة علي الكباية وبعدين نحط الفيل علي الورقة وبعدين نيجي بشويش ونشد الورقة بسرعة الفيل يقع جوة الكباية

مرة واحد راح يشترى ساعة لقاها غالية اشترى 5 دقايق

واحد تاية بيسال واحد ماشي في الشارع اقرب طريق للمستشفي ايه قاله غمض عينك و عدي الشارع

لية بلديتنا بيلبس تي شيرت علية قطة ؟عشان الفار ميلعبش في عبة

كان فيه سفينه طالعه في البحر وكانت مليانه بنات وبعدين السفينة عطلت وكل اللى فيها غرقوا ما عدا واحده عارفين ليه ما غرقتش ؟ علشان كان اسمها بطه

جماعه مساطيل عملوا اتوبيس بيمشي بالعرض لييييه؟ عشان كلهم يركبوا قدام

مرة واحد كل ما يشوف البرق يضحك ليه ؟ عشان يطلع حلو فى الصورة

واحد جـزار ضرب بنته علقة سخنة جدا .. ليه ؟؟؟ ضبــــطها مــاشيـــة مــع عجــــل

واحد بلدياتي واقف قدامه خمس شياطين ليه ….؟؟؟ واحد يوسوسله و اربعه يفهموه

ثلاث نسور اتراهنوا مع بعض على اللى يأتى بأكبر صيد
طار النسر الاول ورجع وفى منقاره دم فسألوه عن صيده فقال لهم شايفين الجبل اللى هناك ده صيدت من وراه فأر
ثم طار النسر الثانى واتى ومنقاره دم اكثر وقال لهم شايفين الصخرة اللى هناك دى قالوا اة قال صيدت من وراءها ارنب ثم طار النسر الثالث ورجع ومنقارة كله دم ووجهه كل دم ثم قال لهم شايفيين العمود اللى هناك ده قالوا اة قال انا بقى ماشفتهوش

واحد صعيدى راح يركب القطر هوة والحمار الكمسرى مرضيش يركب الحمار فى القطر راح الصعيدى رابطة من رقبتة فى اخر القطر ولما وصلو مصر كان الحمار اتخنق ومات وفاتح بقة على الاخر فالصعيدى قلة اضحك اضحك ما انت راكب ببلاش

مره واحد صعيدي دخل حمام فشاف المساحة فقال يابوووي كل دي مكنة حلاجة

واحد صعيدى حكموا عليه بالاعدام .. فلما جم يشنقوه لفوا الحبل على رقبته ورفعوه من على الارض
لقوه عمال يشاور بـ ايده و يرفص بـ رجله
فقالوا : يمكن عايز يقول حاجه !!
فـ نزلوه وشالوا الكيس الاسود من على وشه ..
فقالهم وهو بينهج : يا ولاد الأبالسه كنت هموت

واحد بيقول لصاحبه هوانا لما ابوس اختك نبقى نسايب قاله لأ نبقى خالصين

عشر صعايدة بيتعلموا ربط الكرافتة 6 ماتوا و 4 في حاله حرجه .

* صعيدى دخل راسه فى قفص الاسد الحارس قاله انت بتعمل ايه يا بويا قاله يا عم ما تخافش واحنا هناكله .

واحدة بتلعب استغماية مع خطيبها قالت له لو لقتنى هتبوسنى لو ملقتنيش انا ورا الباااااب .

* مرة حسنين لقى شنطة فلوس و عايو يخبيها قام حافر فى الارض و دفنها و كتب مافيش فلوس هنا قام محمدين حفر و خد الفلوس و كتب محمدين مخدش حاجة .

مرة صعيدي طلعله عفريت علاء الدين وقال له شبيك لبيك
خدامك بين ايديك قال له
عايز كوبري من الصعيد الى نيويورك
قال له مستحيل شوف طلب غيره قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين ؟

مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وفيها سوسته

. واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية انا الضابط رخصك يا روح امك

· محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

واحد ندل فتح مصنع بيبسي كتب على كل علبة : رج جيدا قبل الفتح

· بلديات فتح محل انابيب غاز .. فجّر اسطوانتين فى وسط البلد .. دعاية

· واحدة راحت تخطب لابنها .. ام العروسة بتسألها … وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش….. الا اذا سكر
ثعبان نظره ضعيف يوم ما حب واحده….. طلعت خرطوم

· بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

· بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

واحد بلدينا حط حجرين للراديو المذيع انسطل*

مره كان في قط بيجري وراء قطه اعد يجري وراها لحد ما خبطتها عربيه قال لها احسن ابقي خالي الشرف ينفعك*
مرة واحد بلدياتنا جات طوبة في صدرة بص وراة

نشر رجل سطر فى اعلانات مبوبه:مطلوب زوجه و تانى يوم جاله ميت جواب فيهم نفس الرد:تاخد بتاعتى؟

راجل متجوز عنده دولاب فى البيت ممنوع أى حد يفتحه غيره مراته حيقتلها الفضول عاوزه تعرف الدولاب فيه ايه؟ لكنالرجل مش مديها أى فرصة، المهم فضلت طوال عشرين سنه منتظره الفرصه لحد ما فى يوم نسى يقفل الدولاب و نزل ففتحتهفلقيت عشرين ألف جنيه و بيضتين فجريت على جوزها وسألته عن سر الموضوع ده و أصرت انها تعرف فقالها اقولك بستوعدينى انك تسامحينى، قالت أوعدك، فقالها الصراحه انا كنت كل ما أخونك أجيب بيضة و أحطها فى الدولاب، فالست قالت فىنفسها مرتين خيانه فى عشرين سنه ماشى سامحتك بس العشرين ألف جيه دول بتوع إيه قال لها ابدا أنا كنت كل ما اكمل كرتونه أبيعها

راجل و مراته ساكنين جنب شريط سكة حديد فكل لما القطار يعدى يوقع لهم الدولاب فالزوجه زهقت فجابت نجار طلبت منهيصلح الدولاب النجار اختبر الدولاب قال لها ده سليم
قالت له خش جواه و لما القطر يعدى حتعرف العيب فين فسمع كلامها و دخل،
بعد شويه جوزها وصل من الشغل فتح الدولاب فوجئ بالنجار
فقاله انت بتعمل ايه هنا؟
رد عليه لو حلفتلك ميت يمين حتصدق انى مستنى القطر؟

مره واحد كان بينسى كتير قوى
راح لدكاتره وراح مستشفيات لكن برضه مافيش فايده
فراح لشيخ فى المسجد قاله يامولانا انا عايز حل عشان النسيان ده
قاله انت احسن حاجه تروح تحج
وهو راجع بيقول وقفة عرفه ووقفنا رمى الجمار ورمينا مية زمزم وشربنا يا ترى ناسى ايه يا مرقص ياترى ناسى ايه يامرقص!!!

مشكوووووووووووووووورة استاذ شريف وتسلم ايدك بجد

رائع وضحكنى شكراااااااااا؟

هههههههههههههههههه


حلوة استاذ شريف تسلم الايادي :غفقث:

:ثقفعلل: تسلم يابرنس