بحبك يا مصر ولجل حبك خايف من حرب
احزاب كانت زمان مقهوره

بحبك يا بلدى ولجل حبك خايف تصحى
فتنه من زمان مدفونه

بحبك يا مصر ولجل حبك بتمنى تظل رايتك
بالسما مرفوعه

بحبك يا بلدى ولأنى بحبك خايف من من
جيوش على حدودك محشوده

بحبك يا بلدى ولأنى بحبك بطالب احط ايدى
بأيد جارى وابن عمى واخويه

بحبك يا مصر ولأنى بحبك خايف عليكى من
عملاء اسرائيل وأمريكه

بحبك يا مصر ولأنى بحبك بدعى ربى تفضلى
ديما يا بلدى منصوره

بحبك يا مصر ولأنى بحبك بنادى جيشك يحرسك
من كل الكلاب الدخيله

بحبك يا بلدى ولأنى بحبك قلت لا للظلم لا للقهر
لكن بطريقه محترمه مش سفيهه

بحبك يا مصر ولأنى بحبك خايف عليكى من اللى
جى ومن طمعهم تفضلى محروسه

بحبك يا مصر ولأنى بحبك خايف يحكمك واحد
دسته الينا بعنايه امريكه

بحبك يا مصر ولأنى بحبك بقول سترك يارب من
بكره وجيب يارب العواقب سليمه

بحبك يا مصر ولأنى بحبك بقول لشباب مصر اياكم
والفتنه يا شباب مصر المحروسه

بحبك يا بلدى ولأنى بحبك مش هنام الا وانتى
يا بلدى بأيادى امينه

بحبك يا مصر بقولها ولو هموت بحبك يا بلدى
هقولها بكل نشيد وقصيده

بحبك يا مصر ربى يحرسك وديما يا بلدى رايتك
بالسما مرفوعه

بحبك يا بلدى بحبك يا مصر بحبك يا ارض الكنانه
ومن الخيانه يا رب محروسه

بحبك بحبك يا ارض الشهيد بحبك بحبك يا مصر ياللى
بكتابه الكريم مذكوره