تاجر مخدرات راح يخطب واحدة
فأبوها بيسأله انت بتشتغل ايه؟
قال له فنى تكييف
************ ********* ****
واحد بيقول لصاحبه الرجاله هيعطوهم ستات قشطة فى الجنة
قال له و الستات بتوعنا هيروحوا فين؟
قال له هيعذبوا بهم الكفار
************ ********* ****
واحد راح لشيخ و قال له هو ينفع اصلى جماعة وراالامام فى التليفزيون؟
قال له ما تحط ملايه سودا على التلاجة و تحج بالمرة !
************ ********* ****
واحد مصرى اتجوز واحدة صينية باسها بوستين و باظت
************ ********* ****
مذيع بيسأل صعيدى: أحمد زويل اخد جايزة نوبل فى ايه؟؟
قال له فى علبة قطيفة حمرا
********* ****
محشش عنده 85 سنة راح مكتب تأمين على الحياة الموظف قال له : انت سنك كبير مينفعش تأمن على حياتك ... قال له : ليه ده ابويا كان هنا امبارح و عمل تأمين .. تعجب الموظف و قال له تعالى بكرة نشوف لك حل ..
بكرة مشغول عندى فرح جدى, سأله الموظف انت جدك عايش وعايز يتجوز؟؟
قال له : الصراحة مكنش عايز بس ابوه و امه ضاغطين عليه
*******
عصفور صدمته عربية و اغمى عليه
صاحب العربية وقف و اخده البيت و حطه فى قفص
صحى العصفور لقى نفسه فى القفص مسجون قال معقوله يكون الراجل مات !!
*******
واد فرفور ابوه جاب له شريط اسلامى يمكن ينصلح حاله رجع البيت لقاه محجب
*******
بخيل جاله ضيوف قال لمراته بفكر ادبح البغبغان و نعمل شوربة و فته و نشوى الضلوع ع الفحم و الجناح نعمله هواية و نعمل لحمة راس من المخ و نقلى الكبد و القوانص
رد البغبغان : ما تحلبنى بالمرة عشان تعمل رز بلبن يا روح امك
*******
محشش قالوا له التدخين يؤدى الى الموت البطئ
قال لهم انا اساسا مش مستعجل
*******
ديك بيقول لفرخة انتى كل يوم تبيضى و عمرك ما كلتى بيض, قالت له ما انت كل يوم بتدن و عمرك ما ركعتها
*******
مجانين شغل لهم الدكتور اغنية
قاموا كلهم يرقصوا الا واحد
الدكتور فرح و سأله انت ليه مش بترقص معاهم؟
قال له اصل انا العروسة
*******
محشش فى امتحان تعبير و مطلوب 10 صفحات
فكتب فى اول صفحة " ركب الراجل الحصان" و فى اخر صفحة "نزل الراجل من على الحصان"
و بينهم " درجن درجن درجن"
*******
بخيل عمل شوربة لحمة سألوه فين اللحمة؟
قال لهم : يعنى هوا شاى العروسة فيه عروسة؟
*******
واحد محشش اتصل بالبوليس و قاله: هوا الواحد ان مكنش يسأل عليكوا متسألوش انتو؟
*******
حرامى بيقول لامه الدنيا معدش فيها اخلاص
بسرق محفظة ابويا لقيت محفظتى معاه
*******
محشش وقفوه فى كمين سألوه مش رابط الحزام ليه؟
رد انا اصلا مش لابس البنطلون
*******
واحد مسطول ماشى بعربيته عكس الاتجاه
سمع المذيعة فى الراديو بتقول: الشرطة تلاحق واحد يمشى عكس الاتجاه
قال لنفسه: هههه هوا واحد بس دنا شايف عشرين لحد دلوقتى
*******
مسطول ضرب ظابط و موته و اتصل ب 122 و قال لهم احب ابلغكم انكم بقيتو 121
*******
صرصار بيجرى ورا عربية المجارى سألوه ليه؟
قال لهم ابن الكلب شفط المدام
*******
صعيدى مسكوه مع شبكة ارهابية قالوا له ايه اخر عملية عملتها؟ قال البواسير
*******
واحدة وحشة اوى داخلة الحمام فبتقول " اعوذ بالله من الخبث و الخبائث"
فالشيطان قال لها من غير ما تقولى انا كدة كدة طالع
*******
واحد مصرى قاعد يصلى سمع اتنين بيشكروا اوى فى صلاته و ايمانه
قطع صلاته و قال لهم :لا و صايم كمان
*******
بلادينا بيقول لبلادينا" انا تعبان من الروماتيزم"
رد عليه و قال له " وانا جرجاوى من فرشوط "
*******
مسطول بيصلى جنب واحد اسود
قال الامام استوووووا
رد المسطول: كلنا استوينا بس اخينا اتحرق
*******
واحد حب يدلع مراته قال لها انتى
قطه قالتله لا غزاله
قال لها المهم انك حيوانة
*******
واحدة عجوزة لبست مايوه و نزلت البسين
السما عملت برق
قالت يووووه الشباب بدأ يصور
*******
الرئيسية
التسجيل
دخول
مرحبا بك يا 
اللهم انت ربى 
بعد اتمامك لتسجيلك بمنتدى 
الخميس 10 مارس 2011, 11:22 pm
