ما كتبه الشاعر أحمد فؤاد نجم قبل الثورة
قصيدة : راجل ابن راجل
الجحش قال للحمار *** يابا إديني الحنطور
يابا انت سنّك كبر *** و وَجَب عليّا الدور
كَـحّ الحمار كَـحة *** فزعِت لها الركاب
مش يابني بالصحة *** ده كل شئ بحساب
و سواقة الحنطور *** محتاجة حدّ حكيم
و انت عينيك فارغة *** همّك على البرسيم
قوللي تسوق إزاي *** و التبن مالي عينيك
ده حتى حبل اللجام *** واسع يا إبني علي ك
إعقل و بطّل طمع *** لا تسخّن الركاب
ماتجيش يا واد جنبهم *** لا تبقى ليلة هباب
دول صنف ناس جبّار *** قادر مالوهش أمان
يبان عليهم وَهَن *** لكنهم فرسان
يابا دا نومهم تِقِل *** و بقالُه يابا سنين
كل البشر صحصحوا *** و لسه دول نايمين
يا جحش بطّل هبل *** و بلاش تعيش مغرور
رُكابنا مش أغبيا *** ولا عضمهم مكسور
بُكرة حيصحولك *** و يزلزلوا الحنطور
و تلاقي في قفاك *** تمانين خازوق محشور
الرئيسية
التسجيل
دخول
مرحبا بك يا 
اللهم انت ربى 
بعد اتمامك لتسجيلك بمنتدى 
الجمعة 18 مارس 2011, 8:04 pm
