استضاف الإعلامي أحمد موسى، مقدم برنامج «على مسؤوليتي» على قناة «صدى البلد»، الأربعاء، المستشار مرتضى منصور، رئيس نادي الزمالك، والكابتن أحمد شوبير، في أول لقاء منذ الصلح بينهما في لقائهما بالمشير عبد الفتاح السيسي، المرشح الرئاسي المحتمل.

ومازح «منصور» «شوبير» في بداية اللقاء، قائلًا: «أنت بقيت بتطلعلي في كل حته، واتصالحنا بس مش كل خمس دقائق أشوفه، وبرنامجه اتصل بيه الساعة 8 صباحًا، وقالي هتطلع مع الكابتن شوبير، قولتلهم بدري كده أنا عايز أنام»، فرد عليه «شوبير»: «أنت لازم تصحى بدري بقى، وأنت عندك لجنة إعلامية جامد».

وقال «شوبير» إن «هناك ناس كانت فرحانة بالخلاف اللي بينا، ولم يكن هناك حاجة شخصية ما بينا، وناس استغلت ده عشان تزود الخلاف»، وردّ عليه «منصور» إن وراء «حل الخلاف شخصيتين أحداهما قاضي محترم، والمشير السيسي».

وأضاف «منصور»: «لما تكون قاعد في حضرة راجل مش خايف من الموت، ووضع حياته على رقبته في 30 يونيو، وفي نهاية اللقاء أخذ المشير بيدي ووضعها في يد شوبير وتمت المصالحة دون اعتذارات أو شيء، وسلمنا على بعض وبوسنا بعض»، مضيفًا: «كان لا يمكن أن أرفض طلب من رجل مثل المشير السيسي، لأنه أخ وقائد ورجل يريد المصريين أن يكونوا يد واحدة»

ووجّه رسالة للمصريين، قائلًا: «من غير من نضع أيدينا في يد بعض لن تنهض مصر، وعلى الشباب الحفاظ على ممتلكات بلدهم، وعلى الجامعة»، مضيفًا: «المشير خلصنا من القرف اللي حصل في 25 يناير، والعيال 6 أبريل».