مرحبا بك يا زائر نحن سعيدون جدا بتشريفك منتدانااملين الا تتردد فى انضمامك الينا ودعوة اصدقائك للتسجيل والمشاركه معناواهلا بك بيننا فى صرحنا المتواضع

القصة دي حقيقية وبتحصل كل يوم زوج طيب اوي وحنون بس مشغول دكتور وعملي جدا وقليل الكلام اوي اوي

متجوز ست بيت شايفة كل طلباته وصاينة بيته واولاده وبتحبه اوي بس كلام مفيش

هو عودها علي كده كلامه قليل جدا ومش بيكلموا غير في طلبات البيت واحتياجات ولادهم وعلاقتهم كويسة

حتي اما مرض مرض خطير مبلغهاش كان عارف انها بنت حلال اوي وطيبه اوي بس ملهاش في الكلام الحلو ومحبش يوترها

فضل سنة يتعالج من غير ما يقولها تساله مالك يقولها تعب بسيط متشليش هم

في يوم كانت طالبة
منه حاجات ليها وللبيت رجع يومها من غيرها هي زعلت منه وقالت له بس وشه
المرهق خلاها متكملش عتاب وفضلت مخاصماه واستغربت انه مجاش وراها يصالحها

دخلت اوضته لاقته
تعبان جدا وتقريبا بيموت اتصلت علي اخواته جرينا كلنا واتنقل المستشفي ومات
في نفس اليوم زعلت زعل عليه بس سكتت وصبرت

هومش كبير والله 48 بس وقت ما مات ميعزش علي اللي خلقه سكتت 16 سنة وبعد ما مات باسبوع قالت كل حاجة Mood12

سكتت 16 سنة وبعد ما مات باسبوع قالت كل حاجة Mood12

قعدت معاها اسبوع بعد الوفاة(انا بنت اخته) وبعدين قالتلي انا شاكة ان محفظته في عربيته انزلي شوفي ايه اللي في العربية عشان مش هقدر اخرج في العدة

كانت واقفه في البلكونة وانا بفتح شنطة العربية ونفاجي بطلباتها وطلبات البيت وتذاكر للعمرة كان عاملها مفاجاءة هي وهو وامه

طبعا جدتي مستحملتش
ووقعت من طولها اما مراته محكيش علي حالتها والكلام اللي قالته بيقطع قلبي
لغايه دلوقتي مع ان الحكاية ديي من 15 سنة

كل حب السنين اللي كانت حاطاه في قلبها طلع في كلمات كلها مشاعر بس بتنقط الم

حبها ليه ندمها انها خاصمته في اخر يوم في حياته كل ده في البلكونه وبصوت فيه حزن الدنيا كلها سكتت 16 سنة وبعد ما مات باسبوع قالت كل حاجة Mood12

يا فتوكات جوزك
كلامه قليل او عملي اومش بيقولك كلام رومانسي كلميه انتي قولي له كل كلام
الحب اللي في قلبك وخليكي انتي رومانسية الحاجات دي مش عيوب في الرجالة دي
طبيعة

متخاصميش جوزك في الحاجات الهايفة وتباتوا زعلانين سيبي الزعل للحاجات الكبيرة اللي تستاهل

وكل ست بتكتم في مشاعرها ومش بتخرج اللي في قلبها لجوزها اقولها لا كلمي جوزك وقولي علي اللي في قلبك الحياة قصيرة اوي اوي

خالي مات في يوم عيد الام وجاب لجدتي الله يرحمها لحد ما ماتت ومراته الله يصبرها عقدة من اليوم ده ادعولهم بالرحمة

وربنا يحفظ ازواجنا ويسعدهم ويخليهم لنا