تذكير بمساهمة فاتح الموضوع :

مساء الخير احلى رجاله



. . . . . . . . . . . . . . . . . . . . . . . . . . . . . . . . . . . . . .




مبدئيا كلنا متفقين ان كده كتير

لانه مع تطورات الموقف

اللى هو . . . . . . . . . . . . .

المدام اللى دبحت جوزها وهو نايم

واللي قطعته للوز

واللى دوبته فى ميه نار

والانسه اللى كسرت دراع خطيبها

وللاسف

اللى عمل جمعيه المرأه المتوحشه

. . . . . . . . . . . . . . . . . . . . . . . . . . . . . . . . . . . . .

فلابد لنا من وقفه


مش كل الرجاله ماتو في 73

الباقيين لسه بخير

انتهى عصر الحريم نهائيا

مفيش حريه ولا مساواه ولا حتى ركن المرأه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,


شروط الانضمام للجمعيه


هو شرط واحد


- ان يكون مثلك الاعلى شريف القنيشى


بعصبيته و قوته وقسوته وجبروته

. . . . . . . . . . . . . . . . . . . . . . . . . . . . . . . . . . . . . . . . . . . . .

يلا يا رجاله نوقف الزحف ده

وكل اللي يقدر يضيف حاجه للجمعيه يقول

واللى عنده موقف يعيد لنا الزمن الجميل يحكيه

لازم نقف جنب بعض كلنا

لغايه ما الغمه تنزاح

وترجع امينه للبيت

تستنى سيد الرجاله لما يجى من شغله

عجبنى قوى عمنا كلنا السيد صبحى لطفى

لما رزع امينه بالقلم

من باب الزهق مش اكتر

مش بس عايزين نقول الله يرحمه كان راجل

لا

عايزين كلنا نعمل زيه




يالا يا رجاله

ياعم الامبراطور قلتلك الناس دى نفسها قصير قوى ماصدقتش


اديك شايف اهو كلهم هربوا ونصهم اتمسك ف الاسر



يلا ياعم عيش برحتك البلد بلادنا

كل اللي اقدر اقوله ان المشاكس العنيد ده جامد
وريهم كمان

يا جماعة انا لسه جاى من خلف خطوط العدو


وللاسف كانت القاعده حلوه قوى بجد ومكنتش عايز اجى واسيبهم


بس مين داحنا قلبنا جامد قوى ومش بيضعف لما يشوف حنية



ولا بيدوب لما يسمع كلمه رقيقة

انا مش عارف الناس دى بتسحر لنا ولا اية ياجدعاااااان


بس احنا مش هنسكت زى ماقال الزعيم عبد الناصر



سنقاتل سنقاتل سنقاتل


بس فين الناس هو انا هشيل الحرب لوحدى ولا اية

ياجماعة هن رحمة لنا
بالراحة شوية عليهم
عندى سؤال مهم
هو صحيح الهوا غلاب ؟ ما اعرفش انا
ام كلثوم قالت كدة

يا استاذ شريف انت نسيت مكرهن وان ابليس اتعلم منهم الأحتراف
______
ذهب رجل يبكى فى المقابر بحرقة ويقول:انت السبب,مت ليه بدرى, ماكانش لازم تموت, ماكانش لازم تموت, فذهب رجل ليطيب خاطره وقال له:استغفر ربك يا اخى كلنا سنموت, بس اكيد المرحومكان غالى عندك, هو كان ابنك ولا اخوك,فقال الباكى:لا ابنى ولااخوياولا عمرى شفته, ده الراجل اللى انا اتنيلت ةاتجوزت ارملته بعد ما مات .

يا استاذ سعيد كنت بدرس شوى فى الحياه العمليه للست امينه لقيت مجموعه امثله تهمك
اذا كنت عايز مراتك تسمع كل كلمة تقولها باهتمام, اتكلم وانت نايم .

*حالتان لا يفهم الرجل فيهما المراة, قبل الزواج وبعد الزواج.

*رجل ذكى +امراة ذكية =حب
رجل غبى +امراة ذكية=فرير والماظ……………..
رجل ذكى +امراة غبية=نزوة
رجل غبى +امراة غبية=زواج

*الطفل لابيه:هو الجواز بيكلف كام؟
الاب :كتير يابنى بس مش عارف كام بالضبط لانى لسة بادفع التمن لحد دلوقتى .

*لماذا خلق ادم قبل حواء؟ ليحصل على فرصة للكلام .

*الاول : نفسى اتجوز واحدة حلوة وغنية وذكية وطيبة
الثانى:لذلك سمح لك الشرع باربعة.

*جلست الزوجة بجانب زوجها الذى يودع الحياة , تنظر اليه بحنان , فامسك يدها قائلا :لما اترفدت وقفتى معايا, ولما شركتى فلست كنتى معايا , ولما بيتنا اتحرق وقفتى جنبى, ودلوقتى انتى برضه جنبى, مش عارف ليه حاسس ان وشك نحس .

وبالطبع لم تسكت بنات حواء على هذا السيل من النكات الذى ينال منها ومن كرامتها,فاعدت عدتها ونشبت اظافرها لتقتص, وكان هذا جزء من الناتج :-

*ماوجه الشبه بين الرجال واعلانات التليفزيون؟
ما فيش واحدة عاقلة تصدق ده ولا ده.

*كيف يعتبر الرجل نفسه متعاونا فى الاعمال المنزلية؟
بان يرفع رجليه من على الارض لتكنس الزوجة تحتهما.

*لماذا لا يحسن الرجال التعبير عن احاسيسهم؟
ياباااااااااااااااااااااا ااى وهما دول عندهم احساس.

*كيف يفهم الزوج تقسيم المهام مناصفة فى المنزل؟
هى تطبخ وهو ياكل,هى تكوى الملابس وهو يكمرشها,هى تنظف البيت وهو يبهدله.

*ما الحالة الوحيدة التى يطلب فيها الزوج من زوجته تناول العشاء على ضوء الشموع؟
لما الكهربا تقطع.

*كيف يمكن التمييز بين هدايا الزوج الودية وهداياه لما يكون عامل عملة؟
الهدايا بتبقى احلى كتير فى الحالة التانية .

*كيف يمكن لفتاة اكتشاف روعة الحياة بدون زواج؟
بان تتزوج .

*ما وجه الشبه بين الرجال والطقس ؟
لا يمكن تغيير اى منهما للافضل .

*ما وجه الشبه بين الرجل والشهادة الكبيرة ؟
بتضيعى سنين من عمرك عشان تحصلى عليها وبعدين ماتعرفيش تعملى بيها ايه.

*متى يتذكر الرجل ان المراة تفتقر للتفكير المنطقى ؟
عندما تختلف معه فى الراى .

*تلاقى فين الراجل اللى ما بيبصش لست غير مراته ؟
فى الترب .
*الست اللى عارفة جوزها بيبات فين كل ليلة , تسميها ايه ؟
ارملة .

يبدو ان المعركة حامية ومشتعلة ,عموما حرب النكت اهون كثيرا من حرب السواطير والاكياس البلاستيك, والايادى الممتدة –مش للسلا مات طبعا - .

هو مفيش هدواء نهائى هو فى اية هو انتو متوحشين كدة لية هههههههههه
















الكلام ليكم انتم








طبعا عارفين نفساكم

.............!!!!؟؟؟

بحيك يا استاذ شريف وبقولك هى سومه قالت كدة بس دى قالت:

** رجعونى عنيك لايامى اللى راحوا**

** قالت: طول عمرى بخاف من الحب وسيرة الحب

وظلم الحب لكل اصحابه

** قالت: عودت عينى على رؤياك

** قالت: حيرت قلبى معاك وانا بدارى واخبى

قلى اعمل ايه وياك ولا اعمل ايه ويا قلبى

** قالت: امل حياتى يا حب غالى ماينتهيش

** قالت كل كلمه ممكن تتقال

مشكوووووووووووووووووور جدا يا استاذ شريف

بحييك بجد

بلاش الغموض يا امبراطور وقول على طول بتتكلم على مين

وانت هتكون فى اى حزب

اما حضرتك يا استاذ سعيد ايه اللى جابك هنا مش قلتلك خليك

معانا احسن جاى هنا ليه هى الخيانه دى طبع فيكم كلكم مفيش

واحد منكم يكسر القاعدة ويكون طبعه الوفاء كلكم مزيفين

انت بتنافق نفسك ... شويه تقول القاعدة حلوة اوى

وشويه تقول احنا قلبنا جامد ومش بنتهزمن كلمه حلوة منهم

وشويه تقول هما بيسحرلنا وبعدها تقول هنقاتل هنقاتل

ارسى على بر يا معانا يا علينا وانا عارفة انك طيب

وهتكون معانا ان شاء الله

سيبك من المشاكس دى لسه على البر

وبعدين يا مشاكس وواضح من اسمك صفاتك طبعا

ابليس اللى بتتكلم عليه دة راجل مش امراة يعنى

انتوا اللى اخترعتوا المكر لان احنا اتخلقنا من ضلع

موجود فى جسدكم واكيد هنكون واخدين صفتنا منكم

واحنا نفسنا مش قصير بس بنحب نضرب ونلاقى

ياست يارا تحت شعار الست ملهاش غير حلتها
حتعرفو قيمتنا الحقيقيه وان الفتره اللى فاتت كانت مجرد انتكاسه من رجاله مفتريه

حلة ايه وغطا ايه اللى بتتكلم عليها

شكلك بتحب الاكل اوى

الرجاله دى مش فى انتكاسه دول عايشين الواقع

عايشين حقيقة لازم تعترف بيها والا مش هيكون ليك

انت واللى موافقينك مكان فى حياتنا واحنا الحياه

ابقى روح دور على كوكب تانى تعيش عليه

ياعم شريف جتلى اخبار من انتكاسات شوية رجاااااله مقضينها كلام وخلاص وده عيب فى حق الرجاله

ربنا يستر علينا ياعم وان شاء الله يكون لها حل

انتو لسه مسلمتوش رغم اننا اعطيناكم هدنة عايزين الخسائر في صفوفكم تزيد ولا ايه

سما باشا ياهلا شكلك كدا مكنتيش فى هدنه شكل سى السيد كان عاملك واجب غسيل حلل كبير

لا وانت صادق انا الي كنت عامله له واجب الغسيل ده وكنت حارساه عشان ميغشش ولما انتهى ايديته كمان واجب اخر وجيت اشوف اصحابه بيعملو ايه من غيره وهل هما حاسين بعدم وجوده ولالا

الاخت العزيزة يارا
انا رفعت الراية البيضا واعلنت الاستسلام التام لكم
بصراحة الحياة من غيركم ليس لها طعم لانكم بهجة الحياةوسعادتنا
فريد الاطرش قال الحياة حلوة بس نفهمها
هيا نرفع شعار السلام معالحياة افضل
انا قلت اللى فى نفسى ورزقى على الله

اهلا بالزنديق الكبير شريف شلبى


هى حصلت يامجرم ترفع الراية البيضا وتستسلم كفاية الوكسه اللى الرجاله فيها


هى المشرحة ناقصة ؟؟؟؟؟



ياعم شريف احنا هنديلك فرصة عمرك فى التوبه عن افكارك


الرجعية دى ياحسرة على الرجاله انتهى زمن الرجال

خليك يا بروف كدة وفى الاخر اكيد هتسلم

واهلا بيك يا استاذ شريف معانا واللهى

اللى يفهمنا هيملك مفتاح السعادة

لان السعادة امراة وربنا يهدى الجميع

يا استاذ سعيدأرجع الى رشدك وكفاية عناد
ما أجمل ان تحيا وسط الحوريات
هذة تفاح وهذة فراولة وهذة عنب
ماألذ العيش وسط الفاكهه الطازجة
لكن عندى لك سؤال
الايوجد قانون يزيد عدد الزوجات عن 4 (دة غير العرفى )
ياعم سعيد الحياة قصيرة دعنا نعيشهافى حب

الله ينور عليك يا استاذ شريف قوله اصله مش مقتنع بكلامى

انا والله خايفة علية بس الظاهر انه عاوز يبقى عدو المراة زى

رشدى اباظة وحتى دة كمان سلم فى اللاخر وهو لا ليه؟؟؟؟؟؟؟؟؟؟؟؟؟؟

لالالالا انت كدة هتبوظ الدنيا احنا قلنا ايه

خليك حنين ورقيق اة انما كدة هيبقى عذاب

ايه هارون الرشيد عاوز اكتر من 4 وغير العرفى

ياعم شريف اهدا ربنا يهدك اربعة ايه وخمسه اية


احنا بنعمل قنابل مفخخه وانت بتلم حواليك البنات


عموما بكره ويمكن النهارده يقلبوا عليك


وتقول ياريتنى عمرى ماحبيت على راى الست

لاحول ولا قوة إلا بالله لقد صبأ يا اخ سعيد انه جاسوس اقتلوه

يا بنى ارحم نفسك شويه بقى

واتقى الله روح روح دور

على الحلة يمكن تلاقيها

وان ملقتهاش خليك فى المطبخ

وكل دة :يسبس:

اوعى تاكل حاجه ياشريف من اللى بتقدمها لك يارا


الطعام فيه سم قاتل


دول عايزين يموتوا رجاله المنتدى


ويحتلوا الدنيا

هههههههههههههههههههه

ماشى يا بروف دى انا يارا

اللى بتسمع كلامك وتبطل حرب

تعمل كدة اوكيه عليا وعلى اعدائى

بس مش انت

بعيد عنك حياتى عذاب
ماتبعدنيش بعيد عنك

اية اللى حصل يااستاذ سعيد انا كنت نايم من 4 ايام ولسة صاحى

تقتل زوجتك دون أن تكتشف الشرطة




)) تحذير لكل الزوجات انتبهوا و خذوا ,,

الاحتياطات اللازمة((





قرأ صعيدي في إحدى الصحف أن مجرما أمريكيا قتل زوجته ودفنها تحت السرير ولم يتمكن البوليس من اكتشاف الجريمة إلا بعد مرور 25 عاما

فكر الصعيدي في الجريمة وهو يتخيل زوجته التي تنغص عليه حياته وقال لنفسه : يبقى لو أن قتلت مرآتي وعملت زي الراجل الأمريكاني ده محدش

حيكتشف حاجة إلا بعد ما أكون مت

وبالفعل عاد الصعيدي إلى شقته فاستقبلته زوجته بوصلة من الشتائم فذهب فورا واحضر سكينا من المطبخ وذبحها بها وحفر تحت السرير ودفنها هناك

ويا دوب بعد نصف ساعة كبست الشرطة على الشقة واعتقلت الزوج الذى تعجب من السرعة الكبيرة في اكتشاف الجريمة وقال للضابط:-

أنا عملت كده لأني اعتقدت أن البوليس عندنا مش حيكتشف الجريمة ابدا زي الراجل الأمريكاني اللي في الجريدة ذي ,, دول في أمريكا ماكتشفوش

الجريمة إلا بعد 25 سنة

أ جاب الضابط بعد أن تصفح الجريدة :-أصل الراجل الأمريكاني كان ساكن في الدور الأرضي ,, وأنت ساكن في الدور الخامس

والجثة لما دفنتها نزلت ع الجيران يا غبي

يا نهار اسود انت جاى تقول الكلام دة هنا

طيب خليه فى سرك كان يبقى احسن

بس حلوة وبتبين مدى ذكاء الرجل الصعيدى

فين بقى الستات انا خلصت على واحده حد له شوق فى حاجه

تمام ياعم صبحى فى حد له شوق فى حاجه الستات خلصت ههههههههههههه

اة انا نحن هنا

ايه يا عم صبحى ايه اللى جابك هنا

مش كنا خلصنا خلاص

راجع تانى

وحضرتك يا شريف باشا

المنتدى هادى وكلنا والحمد لله

بتشكر فى بعض فى كل موضوع

اخفى موضوعك دى بقا يا عم الحج الله يكرمك

ياعم يخطف مين دول بوق بس سيبها للله دول عايشين بحسنا خليهم ياكلو عيش

shu hal itti7ad hada, w shu h 7arb hada ya regala , aslan intu wala shi bidun al sitat.7utu 3agelkom fi ruskom a7san ma tindamu..

صابرينا خليكى فى حالك وابعدى عن المشاكل انتى مش اد الرجاله المصريه احسن لك

صح كدا ياعم صبحى صابرينا خليكى فى كوزك لما نعوزك

نت لسه يا مشاكس زي ماانت انت محرمتش احناهنعمل ثوره عليك زي الشباب انا اروح وارجع القيك بتتكلم في نفس الموضوع كفايه بقا

:يسئش:

ايه ياجماعة هى الجمعية دى الستات قضوا عليها



ربنا يستر