مرحبا بك يا زائر نحن سعيدون جدا بتشريفك منتدانااملين الا تتردد فى انضمامك الينا ودعوة اصدقائك للتسجيل والمشاركه معناواهلا بك بيننا فى صرحنا المتواضع

للحصول على قوام متناسق خالى من اى عيوب

أكيد حلم كل بنت هو الحصول على قوام متناسق خالي من أي عيوب ممكن تكون موجودة فيه زي
مثلا بروز البطن "الكرش" أو مشكلة الأرداف العريضة أو مشكلة "ترهلات الصدر" وغيرها
من المشاكل اللي ممكن إنها تأثر على جمالك

وأكيد بتسألي نفسك وبتقولي يا
تري إيه السبب في المشاكل دي كلها؟؟؟

لو فكرتِ بينك وبين نفسك كويس
هتلاقي إن السبب الأساسي في ظهور المشاكل دي كلها هو "الكسل والخمول وقلة الحركة"
اللي ممكن تكون غصب عنك نتيجة مثلا إن طبيعة عملك بتفرض عليكِ الجلوس لفترات
طويلة.. أو إنك مش عندك إمكانيات أو وقت إنك تروحي النادي تعملي تمارين
رياضية.

بس إيه رأيك لما تتخلصي من كل المشاكل دي وإنتِ قاعدة في
بيتك ومن غير أي مجهود.. كل الحكاية إنك تفضي نفسك كل يوم ولو لمدة نص ساعة ونعمل
شوية التمرينات اللي هنقول لك عليها دلوقتي وده لأن زي ما إنتِ عارفة إن ممارسة
الرياضة شيء ضروري جدا ومفيد.

بس في البداية
قبل ما نقول لك على
التمرينات دي عايزينك تاخدي بالك من شوية الحاجات البسيطة دي:

1- ياريت إنك
قبل ما تقومي بممارسة التمارين الرياضية وبعد ما تنتهي من ممارسة الرياضة تعملي
تليين لعضلات جسمك.. وده لأن البدء المفاجئ في التمارين الرياضية أو الانتهاء
المفاجئ منها ممكن إنه يعرضك لمشاكل زي حدوث شد في عضلات الجسم أو تشنجات أو حدوث
الألم خاصة لو كانت التمارين دي شديدة شوية.

2- احرصي على شرب كمية
كافية من المية في الأيام اللي هتعملي فيها تمارين علشان تعوضي جسمك عن فقدانه
للسوائل.

3- مش محتاجة إني أقول لك إنك ماتجيش على نفسك زيادة عن اللزوم في
التمارين الرياضية علشان ماتشعريش بالإرهاق والتعب بعد فترة قصيرة من بدء التمرين
وتكرهي اليوم اللي فكرتِ فيه إنك تمارسي رياضة..

وخليكِ دايما
فاكرة..
إن الحصول على الوزن المناسب والجسم الرشيق مش هييجي بين يوم وليلة، ده
محتاج وقت وصبر وجهد ومحتاج إنك تلغي من قاموس حياتك كلمة مافيش فايدة أو زهقت
ولازم تعرفي حاجة مهمة قوي وهي إن الاستمرار في ممارسة التمارين دي هو شرط النجاح
في الحصول على القوام المثالي الخالي من أي عيوب.

وهى المعلومات نقلتها
اليكم من
fitness one gym Psychology of Kundalini
Yoga..

تعالي بقى نعمل التمارين مع بعض
يلاّ.. واحد
اتنين...

تمرين الوقوف على أطراف
القدمين

والتمرين ده بيسمى تمرين الوقوف على أطراف القدمين
وكل اللي هتعمليه فيه هو إنك تقفي على أطراف قدميك لمدة خمس ثوان مع شد الجسم..
وبعد كده تقفي على رجلك تاني.. وترجعي تكرري الموضوع ده 5 مرات مع مراعاة إن إيدك
تكون جانبك وظهرك يكون مفرود.

وعلى فكرة التمرين ده مفيد جدا لأنه بيساعد
على شد عضلات الجسم ومنع حدوث ترهلات في الفخدين.
وهى المعلومات نقلتها اليكم من

fitness one gym How Much Exercise a Day Is Needed to
Lose Weight..

تمرين الأرجـل

اقعدي على كرسي مع مراعاة
فرد الظهر بعد كده مدي رجلك اليمنى للأمام ورجعيها تاني إلى وضعها
الأساسي..
كرري التمرين 8 مرات لرجلك اليمين و8 لرجلك الشمال والتمرين ده بيفيد
في التخلص من مشكلة الكرش وتخسيس منظقة الفخدين والتخلص من ترهلات الفخدين.
وهى
المعلومات نقلتها اليكم من
fitness one gym What Exercises Work Out the Upper
Abdominals..

تمرين البطن

نامي على الأرض وإيدك جانبك
بعد كده اثني رجلك اليمن 8 مرات ورجلك الشمال 8 مرات.. والتمرين ده بيساعد على
تقوية عضلات البطن والتخلص من مشكلة ترهلات البطن.

تمرين لشد
البطن

وده كمان تمرين تاني لشد البطن والتخلص من ترهلات البطن.. كل
اللي عليكِ إنك تنامي على وشك وتحطي إيدك ورا وترفعي رأسك بصدرك عن الأرض لمدة خمس
ثوان، وتنزليها تاني.. كرري التمرين ده 5 مرات مع مراعاة إن يكون ظهرك مفرود.. ولو
عايزة نتيجة أحسن يبقى ياريت تعملي مع التمرين ده تمرين البطن كمان.
وهى
المعلومات نقلتها اليكم من
fitness one gym What Exercises Work Out the Upper
Abdominals..

تمرين الأرداف

نامي على بطنك وإيدك جانبك
وارفعي رجلك اليمين نص رفعة وبعد كده رجلك الشمال.. كرري التمرين ده 5 مرات لكل
رجل.. وعلى فكرة التمرين ده هيساعد على التخلص من مشكلة الأرداف
نهائيا.

تمرين لتقوية عضلات الظهر

نامي على ظهرك وإيدك
جانبك، وبعد كده قومي بظهرك من على الأرض نص قومة لمدة خمس ثوان، ورجعيه تاني على
الأرض.. كرري التمرين ده خمس مرات لأنه بيساعد على تقوية عضلات الظهر.
وهى
المعلومات نقلتها اليكم من

تمرين الحفاظ على الرشاقة

ولو كنتِ
رشيقة وعايزة تحافظي على رشاقتك يبقى مافيش قدامك غير التمرين ده..

الخطوة
الأولى

نامي على الأرض وحطي رجلك على الكرة واثني ركبتيك بزاوية 90
درجة... ارفعي كتفيك عن الأرض وحطي كفيك على جانبي ركبتيك.

الخطوة
الثانية

افردي رجلك على الآخر وشدي مشطي القدمين وفي نفس الوقت
افردي ذراعيك تماماً للخلف وعلقيهما في الهواء.. حافظي على الكتفين معلقين في
الهواء لمدة 5 ثوان.

كرري التمرين ده 3 مرات مع العودة إلى وضع الاستعداد
ولو ماعندكيش كرة مطاطية زي دي ممكن إنك تستخدمي بدل منها كرسي لأداء التمرين.

دي كانت مجموعة من التمارين الرياضية اللي هتساعدك على الحصول على قوام متناسق..
وهى المعلومات
نقلتها اليكم من

fitness one gym What Exercises Work Out the Upper
Abdominals..

» للحصول على لوك جذاب ساحر
» بالفيديو ... دب يتحول الى قرد للحصول على قطعة لحم
» (أجمل عيوب المرأه)
» عشرة نصائح للحصول على اجمل شفايف
» ماذا نأكل للحصول على أسنان صحية؟؟؟؟

مرحبا بك يا زائر نحن سعيدون جدا بتشريفك منتدانااملين الا تتردد فى انضمامك الينا ودعوة اصدقائك للتسجيل والمشاركه معناواهلا بك بيننا فى صرحنا المتواضع

اللهم انت ربى خلقتنى وانا عبدك وانا على عهدك ووعدك ما استطعت اعوذ بك من شر ما صنعت وابوء اليك بذنبى فاغفر لى انه لا يغفر الذنوب الا انت

للحصول على قوام متناسق خالى من اى عيوب